Abhimana – NUTQW Sri Lanka – National Union for Trans and Queer Workers
අප ගැන
අභිමාන සේවක සංගමය යනු ශ්‍රී ලංකාවේ විවිධ ලිංගික අනන්‍යතාවන් සහ ස්ත්‍රී පුරුෂ සමාජභාවි සුළුතර ප්‍රජාවන්ට අයත් කම්කරුවන් විසින් නිර්මාණය කරන ලද සේවක සංගමයකි. මෙම සංගමය, ශ්‍රී ලංකා නාවිකයින්ගේ සංගමයේ සහය ඇතිව ශ්‍රී ලංකාවේ ජිවත්වන ලිංගික සුළුතර ප්‍රජාවගේ නියෝජනයෙන් වැඩ කරන ලිංගික සුළුතර ප්‍රජාව සඳහා ආරක්ෂාකාරී හා හිංසනයෙන් තොර අභිමානයකින් යුතු වැඩ ලෝකයක් නිර්මාණය කිරීම අරමුණූ කරගෙන නිර්මාණය කරන ලද්දකි.
පර්යේෂණවලින් පෙනී යන්නේ බොහෝ LGBTIQA+ කම්කරුවන් විෂමතාවාදී සේවා ස්ථානවල අපකීර්තියට, වෙනස් කොට සැලකීමට සහ ප්‍රචණ්ඩත්වයට මුහුණ දෙන බවත් ඔවුන්ගේ විෂමලිංගික සගයන්ට මුහුණ දීමට සිදු නොවන බාධක රැසකට මුහුණ දීමට සිදු වන බවයි. LGBTIQA+ සේවකයන් මුහුණ දෙන සුවිශේෂී අභියෝගවලට විසඳුම් සෙවීමට සහ ඔවුන්ගේ සේවක අයිතිවාසිකම් ප්‍රවර්ධනය කිරීමට, LGBTIQA+ සේවකයන් බලමුලු ගන්වන අතරම අනෙකුත් වෘත්තීය සමිති, ආයතනික සහ රාජ්‍ය අංශයේ සමාගම් සමඟ සහයෝගයෙන් කටයුතු කිරීමට “අභිමාන” සේවක සංගමය අපේක්ෂා කරයි.
දැක්ම
ශ්‍රී ලංකාවේ ජිවත්වන සියලුම ස්ත්‍රී පුරුෂ සමාජභාවී සහ ලිංගික අනන්‍යතා දරන පුද්ගලයින් සඳහා ආරක්ෂිත සහ ප්‍රතිලාභදායක සේවා ස්ථානයක් නිර්මාණය කිරීම
මෙහෙයුම
විවිධ ලිංගික දිශානතින්, ස්ත්‍රී පුරුෂ සමාජභාවයන් සහ ප්‍රකාශනයන් ඇති කම්කරුවන් සඳහා විධිමත් හා අවිධිමත් අංශවල ඇති කම්කරු අයිතිවාසිකම් ආරක්ෂා කිරීම, ප්‍රවර්ධනය කිරීම සහ ශක්තිමත් කිරීම.
අරමුණූ සහ ඉලක්කයන්
අයිතිවාසිකම් ආරක්ෂා කිරීම
වැඩ ලෝකයේ LGBTIQA+ කම්කරුවන්ගේ අයිතිවාසිකම් ආරක්ෂා කිරීම සඳහා බලමුලු ගැන්වීම.
ප්‍රවේශයන් ශක්තිමත් කිරීම
LGBTQIA+ සේවකයන්ගේ ප්‍රතිලාභ සහ සුභසාධනය සඳහා ඇති ප්‍රවේශයන් ශක්තිමත් කිරීම.
කොන්දේසින් වැඩිදියුණු කිරීම.
LGBTIQIA+ කම්කරුවන් සඳහා ඇති සේවා කොන්දේසින් වැඩිදියුණු කිරීම.
LGBTIQA+ ප්‍රජාව සහ හිතවතුන් බලමුලු ගැන්වීම
LGBTIQA+ කම්කරුවන්ගේ සමාජීය, ආර්ථික සහ දේශපාලන තත්වයන් නංවාලීම සඳහා LGBTIQA+ ප්‍රජාව සහ හිතවතුන් බලමුලු ගැන්වීම.
ප්‍රතිපත්ති රාමුන් සහ සංශෝධන
පවතින ප්‍රතිපත්ති රාමුන් සදහා අවශ්‍ය සංශෝධන සහ LGBTIQA+ සේවකයන් ආරක්ෂා කරන නව ප්‍රතිපත්ති ස්ථාපිත කිරීම සහ SOGEISC මත පදනම් වූ ප්‍රචණ්ඩත්වය සහ වෙනස්කම් කිරීම් ඉවත් කිරීම සඳහා බලපෑම් කිරීම.